 |
|
|
Hotel və hostellərin çox olması təbii ki, ölkənin inkişafı üçün müsbət dəyərləndirmək olar, qiymətlərin isə normal olması ölkəmizə üz tutan xarici turistlərə və qonaqlara hər zaman xoş təəsuratlar bağışlayıb, amma çox təəssüflər olsun ki, bu məkanlardan bəzi işbazlar, sahibkarlar sui-istifadə edir.
Belə ki, sosial şəbəkələrdə özlərini bəzi səhifələrində "reklam" etdirən bu cür hotellərə müştəri gedəndən sonra sözün əsl mənasında peşman olur, bəlkə də həyatına nifrət edir desək yanılmarıq.
Təxminən bir neçə gün əvvəl bununla bağlı Tarqovi Hotelin (070) 200 83 39 nömrəsi ilə əlaqə saxladıq, onlardan standart otağın bir gecəlik qiymətin soruşduq, 30 AZN qiymət dedikdə büdcəmizə uyğun olduğu üçün ünvanı soruşduq, şəhərin mərkəzi Nərimanov rayon, Şərq bazarının yaxınlığı, Qarabağ küçəsi, 31 - də yerləşən Gorgud (Qorqud) Hotelə bizi yönləndirdilər, kənardan baxanda hotelin görünüşü, içəri resepşinə, girişinə kimi hər şey tam standartlara uyğun idi, amma göründü ki, yanılmışıq, ödəniş edib otağa desək az olar, otaqlara keçəndə haradan bilək ki, bu məkanın altı bəzək üstü təzəkdir?
5 mərtəbədən, çoxsaylı otaqlardan ibarət olan Qorqud Hoteldən oxuyan qapıdan tutmuş meyxana deyən kondisioner, muğam oxuyan yataq pastellərinə kimi rast gəldik, resepşendə ödəniş etdikdən sonra hotel əməkdaşı bizi otağa apardı, 2 - ci mərtəbədə yerləşən ilk otaqda qapının bağlanacaq kilidinin xarab olduğun bilib əməkdaşdan otağı dəyişməyi xahış etdik, bizi 3-cü mərtəbədə olan daha bir otağa apardı, elə hazırlaşırdıq dincələk ki, yayın 40 dərəcə istisində gördük özümüzü, kondisioner meyxana deyir, işləmir, əməkdaş gəldi, etiraz etdik, rəhbərliyə jurnalist olduğmuzu bildirdik, düz 30-40 dəqiqədir otaqları gəzirik hələ normal otaq bizə verə bilmirlər kimi etirazmızı bildirdik, hələ ödəniş etdikdən sonra çek verməyib, vergidən yayınma, natəmizlik baş alıb getməsi kimi halları demirik.
Bu dəfə Hotelin rəhbərliyindən biri bizi 5-ci mərtəbəyə qaldırdı, otağa daxil olduq, içəridə yatağa sərilmiş ağ örtüklərin üstündə olan ləkə bizə özəl ürək bulanma verdi. 2 nəfərlik yatacaq taxtın döşəkçələrinin bir-birinə uyğun olmaması daha mənzərəli idi, yatacaqda olan ləkəli yataq dəstlərini götürüb onun yerinə hamam dəsmallarını sərib yatmalı olduq. Çünki o qədər yorğun idik artıq mübahisə, etiraz etməyə nə taqətmiz, nə halımız, nə də gücümüz qalmışdı.
Biz bir dəfə yanılıb bu məkana üz tutduq, ümidvarıq siz yanılmayacaqsız, bu məsələni ictimailəşdirməkdə isə məqsədmiz odur ki, inanırıq bu yazımızdan sonra aidiyyatı qurumlar sözü gedən məkanla bağlı öz araşdırmalarını aparıb ədalətli qərarlarını verəcəklər.
"Azərbaycan Reallığı" yazda adı çekilən qarşı tərəfin də mövqeyin tanıyır.
AZƏRBAYCANREALLIĞI.COM